Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaaAnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Om kommuneplanlægning


Kommunimut pilersaarusiorneq

 

Pilersaarusiorneq nunaminertallu atorneqarnerat pillugu Inatsisartut inatsisaat nr. 17, 17. november 2010-imeersoq naapertorlugu Kalaallit Nunaanni kommunit kommunimut pilersaarusiortussaapput kommunip nunataanut tamarmut atuuttussamik. 2010-imi inatsimmik allanngortitsinikkut asimi nuna pillugu pilersaarusiortussaatitaaneq Namminerlutik Oqartussaniit kommuninut tunniunneqarpoq.

Kommunimut pilersaarut qinigaaffinni tamani misissorneqartassaaq taamaammallu ukiut sisamakkaarlugit iluarsineqartassalluni. Pilersaarut ukiunut 12-inut atuuttussanngorlugu suliarineqassaaq, pisariaqarneralu malillugu kommunimut pilersaarummut ilassusiornikkut allanngortinneqarsinnaassalluni.

 

Kommunimut pilersaarusiornikut anguniakkat pingaarnerit makkupput:

1)  pinngortitaq illersorneqassasoq,
2)  inuiaqatigiit tungaanniit isigalugu asimi nunap aamma sanaartukkat inuit pilersitaasa akornanni naleqquttumik agguataarisoqassasoq,
3)  inuussutissarsiornikkut, inooqatigiinnikkut aammalu avatangiisitigut pitsaasumik ineriartortitsinissamut aqqutissiuisumik pilersaarusiorneq naapertorlugu nuna atorneqassasoq
4)  innuttaasut nunaminertat atorneqarnissaat pillugu pilersaarusiornermi peqataatinneqassasut, aamma
5)  nr. 1-imiit 4-imut naapertorlugit aalajangiinerit sanaartugassatigut aningaasarsiornikkullu pilersaarutit killissarititaasa iluanni ataqatigiissaarneqassasut.

 

Inatsimmi allassimapput suut kommunimut pilersaarummi sammineqassanersut, kiisalu suleriaaseq suna atorlugu pilersaarusiaq suliarineqassanersoq. Kommune Kujallermut pilersaarut siammasissuliaavoq, tassa imaappoq inatsimmi eqqartorneqartuinnaat pinnatik kommunip suliassai tamarmik tassani ersersinneqarput. Aamma erseqqissarneqassaaq kommunimut pilersaarut toqqaannartumik qanoq iliuuseqarnissamut pisussaaffiliisuunngimmat. Kommunip sunut suliniutaasinnaasunut killiliussat toqqammaviusussat saqqummiutissavai - suliniutinillu timitaliineq allami pissalluni - timitaliisut tassaasinnaapput kommunalbestyrelsi, innuttaasut imaluunniit suliffeqarfiit namminersortut.

 

Kommunimut pilersaarusiornermi siunertaasuni oqaatigineqartutut innuttaasut pilersaarusiornermut peqataatinneqarnissaat pingaarutilerujussuuvoq. Taamaammat ilaatigut kommunimut pilersaarusiassatut siunnersuutit allannguutissatullu siunnersuutit tamanut tusarniutigineqartartussaapput. Inatsimmi oqaatigineqarpoq kommunimut pilersaarutit (allannguutillu) minnerpaamik sapaatit akunnerini arfineq-pingasuni tusarniutigineqartassasut aammalu pilersaarutit inaarutaasut tamanut saqqummiunneqartassasut.

 

Pilersaarusiorneq nunaminertallu atorneqartarnerat pillugu Inatsisartut inatsisaat nr. 17, 17. novemer 2010-imeersoq” uani takuneqarsinnaavoq: lov_om_planlaegning_nr_17 2010_dk.mht (54.2 KB)

 

Nunaminertanik atuinermut killiliussat allat

Sumiiffiit immikkut killilersuiffigisat, eqqissisimatitsinerit aammalu pilersaarusiornermi piumasaqaatit allat nunaminertanik atuinermut pilersaarusiornermullu inatsisip saniatigut allanik tunngaveqarluni aalajangikkat qarasaasiakkut aaneqarsinnaanngorlutik suliarineqarsimagaangamik aatsaat kommunimut pilersaarummi ersersinneqartarput (tassa naalakkersuisoqarfiit aammalu ingerlatseqatigiiffiit suliassamik isumaginnittussaatitaasut aalajangigaat). Taamaammat nunaminertanik atuinermi killiliussat qassiit kommunimut pilersaarummut ilanngunneqarsimanngillat. Taamaattorli kommunimut pilersaarummi ersikkunik ersinngikkaluarunilluunniit nunaminertap atorneqarnera pillugu suliap aalajangersimasup suliarineqarnerani ilaatinneqartassapput. Sumiiffiit taakku kommunimut pilersaarummut qarasaasiakkuugassamut ilanngunneqarnissaata tungaanut erseqqinnersumik paasisaqarumaguit kommunip teknikkeqarfia saaffigiuk.

 

Titartaasartoq Birger Lilja Kristoffersen

Kommunimut pilersaarusiortoq - Kommune Kujalleq

 

 

 

..........

..........

 

 

 lov_om_planlaegning_grl_nr_172010_kn.mht (69.8 KB)


>