2011-2022 Kommune Kujallermut

pilersaarut

 


2009-imi januaarip ulluisa aallaqqaataanni Nanortallup, Qaqortup Narsallu kommunii kattullugit kommunerujussuaq Kommune Kujalleq pilersinneqarpoq. Tamanna sioqqullugu kommunit pingasut tamarmik immikkut kommunimut pilersaaruteqarsimapput kommunit pingasut ineriartortinneqarneranni malittarisassaqartitsisuusunik. Kommunit kattunnerisigut kommunit pingasut pilersaarutaat tunngavigalugit kommunimut pilersaarut nutaaq ataatsimoorussaq suliarineqalerpoq. Nittartakkami uani Kommune Kujallermut pilersaarut 2011-2022 kommunalbestyrelsip inaarutaasumik akuerisaa saqqummiunneqarpoq.

 

2012 7. septemberip tungaanut siunnersuut tamanut tusarniaassutigineqarpoq, piffissamilu tassani innuttaasut, soqutigisaqaqatigiiffiit, peqatigiiffiit, nuussutissarsiutinik ingerlatallit aammalu allat siunnersuut pillugu siunnersuuteqarsinnaasimapput, akerliusinnaallutik oqaaseqaateqarsinnaallutilluunniit. Tamatuma kingorna mmunalbestyrelsip 2013-ip aallartinnerani tamanut tusarniaanermi akerliliissutaasut oqaaseqaataasullu isummerfigai kommunimullu pilersaarut inaarutaasoq
akuersissutigalugu.

 

Kommunimut pilersaarut ukiunut 12-inut atuutissaaq, ukiulli sisamakkaarlugit iluarsarneqartassalluni. Tamatuma saniatigut kommunimut pilersaarut pilersaarummut ilassusiinikkut allanngortinneqartarsinnaavoq. Taakkuttaaq aamma tamanut tusarniutigineqartassapput.

 

Kommunimut pilersaarut kommunip ineriartortinneqarnerani tunngavissaavoq. Takorluukkat aaqqissuusaanerullu saniatigut, anguniakkanik pingaarnernik kommunip akisussaaffiini assigiinngitsuni ineriartortitsinermut tunngasunik imaqarpoq: inuussutissarsiutinik ineriartortitsineq suliffissaqartitsinerlu, inissialiortiterneq, isumaginninnermut tunngasut, kulturi sunngiffillu, atuartitaaneq aammalu paarsineq kiisalu pilersuineq avatangiisillu - taakku takuneqarsinnaapput ingerlaqqiffissani "Anguniakkat", taakkununngalu ilaatigut ilaapput immikkoortuni "illoqarfiit nunaqarfiillu aammalu "Asimi nuna"-mi sanaartornermut nunaminertanillu atuinermut erseqqinnerusumik aalajangersakkat. Nittartakkap naggataata tungaani nunaminertanik atugassanngortitsinermut, paasissutissanut allanut kiisalu pilersaarusiornermi tunngavigineqartunut tunngasut takuneqarsinnaapput.

2011-2022-imi Kommunimut pilersaarut tamanut saqqummiunneqareerpoq taamalu 2. august 2013-imiit atuutilerluni.


Nanortalik

Igaliku