Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaa AnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Pilersuinermi eqqaavilerinermilu isumaginni-


Inuiaqatigiinni nutaaliaasuni pilersuineq eqqagassalerinerlu pitsaasusuariaqarput. Kujataani Qorlortorsuarmi imermik innaallagissiorfeqalerneratigut nukissiorneq siuariarujussuarsimavoq, aammalu illoqarfinni nunaqarfinnilu imermik pilersuineq ineriartortittuarneqarsimavoq kiisalu kiassaaneq namminerisamik kiassaateqarnikkut, kiassaateqarfissuarnut attaveqarnikkut kiisalu Qaqortup ilaani ungasissumiit kiassarneqarnikkut pisarluni. 

 

Eqqagassalerineq eqqarsaatigalugu illoqarfinni ataasiakkaani pissutsit pitsanngorsarnissaat ajornakusoorsimaqaaq. Kommunit kattunnerisigut illoqarfiit akornanni ataqatigiissaakkamik aaqqiinissamut suliassanillu agguataarinissamut periarfissaqalersimavoq. 

 

Pingaartumik pilersuineq eqqagassalerinerlu eqqarsaatigalugit nunaqarfinnut savaateqarfinnullu ataasiakkaanut nalequssakkamik aaqqiinissaq ilungersuutigisariaqaqaaq.

 

 Anguniakkat:

  • illoqarfiit siunissami aningaasaqarneq avatangiisillu mianeralugit naammattumik innaallagiassaqartitsissalluni, kiassaasinnaassalluni imissaqartitsissallunilu
  • imermik innaallagissiorfiit nukissiutillu ataavartut allat atorlugit innaallagissiorneq annertusassallugu
  • erngup aallaavii illersussallugit
  • kissaq sinnerussaq atorluartassallugu, nukimmik ileqqaartassalluni allatullu iliortassalluni peqqumaatinik atuineq mingutsitsinerlu millisarniarlugit
  • Kommune Kujallermi tamarmi pilersuinermi akit assigiinnissaat anguniassallugu
  • illoqarfinni pingasuusuni sumiiffiit tamarmik siunissami eqqakkanut kuuffilersussallugit
  • eqqakkanik immikkoortiterisarneq siuarsassallugu - annermik aallaaviini tulliatullu eqqagassanik tigooraavinni 
  • eqqagassat suussusii naapertorlugit suliarisassallugit imaaliornikkut:

1.      Eqqagassanik uumassusilinneersunik nakkutigisamik asiutitsilluni naggorissaasiornikkut

2.      eqqagassanik ulorianarnik "nalilinnillu" avammut aallarussuinikkut

3.      Eqqagassanik ikumasinnaasunik ikuallaanikkut

4.      Eqqagassanik pinngortitamut ulorianaateqanngitsunik matoorinikkut

 

Killiffik iliuusissallu

 

Innaallagisamik pilersuineq

Narsarmiut Qaqortormiullu ullumikkut Qorlortorsuarmi imermik innaallagissiorfimmiit pilersorneqarput taamalu CO2-mik aniatitsiviunngitsumik aalaakaasumillu innaallagissiornissamik anguniagaasoq angusimallugu. Taamattaarlu innaallagiaqartitsineq ataqatigiissuuvoq isumannaatsuullunilu aammalu innaallagissiutinik nalinginnaasunik illoqarfinni taakkunani marlunni sillimmateqarfiulluni. 

 

Nanortalimmi innaallagissiutit avatangiisinut pitsaanerusut atorneqarnerulernissaat misissorneqartuarpoq. Tamatumunngalu atatillugu ukiuni kingullerni Nanortalimmi anorimik innaallagissiornissamut periarfissat misissorniarlugit anorimut uuttuutinik ikkussuisoqarsimavoq Nanortallillu eqqaani imermik innaallagissiorfiliarineqarsinnaasunik misissuisoqarsimalluni. Misissuinerit tamakku piffissami pilersaarusiorfiusumi aggersumi nanginneqassapput. 

 

Nunaqarfinni innaallagissiorneq annermik dieselitortumik atortoqarluni pisarpoq. Ukiuni kingullerni imermik innaallagissiorfeeqqat kiisalu uumassusillit gassiannik innaallagissiorfiit pilersinneqarsinnaanerat misissuiffigineqarsimavoq.

 

Imermik pilersuineq

Illoqarfiit pingasuusut illoqarfiillu alliartorfissaattut pilersaarusiorneqartut imeqarfiusunik taseqarput naammattumik imeqartitsisinnaasunik. Imeqarfiup avataanni sanaartorfigeqqusaanngitsut, pingaartumik Qaqortumi illoqarfiup ilarujussuata ineriartorfigisinnaasaatalu sanaartorfigeqqusaanngitsup iluaniiffiani, sanaartorfigeqqusaanngitsut ajornartorsiutaasarput. Taamaammat illoqarfiup ineriartorneranut periarfissiinissamut naammattumik piginnaanilimmik (A3) imeqarfimmi imermik saliiviliortoqarnissaa kommunimit kissaatigineqarpoq.

 

Nunaqarfiittaaq imeqarfeeqqat aqqutigalugit ajunngilluinnartumik imeqartinneqarput. Nunaqarfinni amerlanerni tatsit qanittut imertarfigineqartarput, ataasiakkaat puilasuliaqarlutik Saarlumilu tarajoq imigassanngortinneqartarluni. Nunaqarfinni pilersaarusiornikkut imeqarfiit taakku illersorneqassapput. 

 

Kiassaaneq

Ineqarfinnik, inuussutissarsiorfinnik sullissiveqarfinnillu kiassaaneq annerpaamik namminerisamik uuliatortunik kiassaateqarnikkut pisarpoq taamaammallu CO2-mik aniatitsiviungaatsiartarluni. Qaqortoq kisimi kiassaateqarfeqarpoq ataatsimoorussanik ikuallaaviup pilersitaaneersumik kiisalu imermik innaallagissiorfimmiit kissamik pinngortumik kiassaateqarfeqarluni. Kiassaateqarfiit uuliatortut nungullariartornerat aammalu nutarterneqarnerat ilutigalugu taakku ungasissumiit kiassaateqarfinnik taarserneqariartulissapput. 

 

Ukiuni kingullernissaaq seqinermik kiassaatit imermik kissaanermut atugassat silaannarissarnermullu atugassat qassiit ikkussuunneqarsimapput. Taamaaliortarneq kommunip tapersersorniarumaarpaa. 

 

Narsami Qaqortumilu kiassaanissamut pilersaarutaagallartut siulliit suliarineqarsimapput illoqarfiillu pingasuusut tamarmik kiassaanermut pilersaarusiorfigineqarnissaat siunertaalluni. 

 

Eqqagassat

Ukiuni kingullerni illoqarfinni nunaqarfinnilu avatangiisinut pitsaanerusumik eqqagassalerisalernissaq assorsuaq sammineqarsimavoq. Qaqortumi pitsaasumik eqqakkanut ikuallaaveqarpoq 1/1 2010 aallarnerfigalugu aamma Narsamiit Qaqortumiillu eqqakkanik ikumasinnaasunik tigooraalersimasumik Aamma Eqalugaarsunni, Qassimiuni, Igalikumi, Qassiarsummi Narsarsuarmilu nunaqarfiit pitsaasunik ikuallaaveqarput. Ikuallaaviit tamarmik ukiut 10 qulit sinnerlugit pisoqaassuseqarlutik nutartigassanngorsimaqaat siunissamilu pisariaqartitsinermik matussusiiniartussaallutik. 

 

Aammattaaq eqqagassat atoqqissinnaanerulerumallugit suliniuteqartoqarpoq. Suliat tamakku ilaatigut tassaapput saviminikunik suliareqqitassanik Danmarkimukaassisarneq, ikuallaavik ikuallaasinnaanerulersinniarlugu igalaaminernik katersisarneq kiisalu immaqa igalaaminerit aqquserniormi allanilu atoqqinneqarsinnaanerat kiisalu eqqagassat uumassusilinneersut gassinngortinneqarsinnaanerat. 

 

Imeq igitassaq

Illoqarfinni pingasuusuni ineqarfiit 80% aamma 90%-it akornanniittut eqqakkanut kuuffinnut atassusigaapput. Illoqarfinni ineqarfiit tamavimmik tamanna pitsaanerusimatillugu eqqakkanut kuuffinnut atassuserneqarnissaat qangali anguniagaalersimavoq. Illoqarfiit immikkoortuini ataasiakkaani eqiteriffeqanngikkuni tankeqarpoq pigiinnartariaqartunik, ajornartinnaguli illuutit kuuffilerneqarsimanngitsut piginnittut piareersimappata atassuserneqartariaqarlutik.

 

Kuuffiit nungullariartornertik ineqarfiillu nutaat atassusersorneqarnerat ilutigalugu ingerlaavartumik nutarterneqartarput alliartortinneqarlutillu. Tamatumunnga atatillugu kommuni kuuffinnut pilersaarusiorsimavoq. 

 

Nunaqarfinni aammalu illoqarfinni ineqarfiit atassusersimanngitsut anartarfii imaarneqartarput. Anartarfiit imaat imerlu igitassaq suliarineqaratik imaanut kuutsinneqartarput. Ulloq manna tikillugu taamaaliortarnerup avatangiisinut ajoqutaaneranik malussartoqarsimanngilaq. 


>

 

Deponi i Nanortalik

 

Affaldsforbrændingen i Qaqortoq