Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaa AnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Kulturarv


Kulturikkut kingornussarsiat

Kujataa qanganitsannik qallunaatsiaat Inuillu kulturianneersunik takusassaateqaqaaq. Oqaluttuarisaanikkut kinaassuseqalersitsisarput kiisalu tamaani nunallit takornariallu takornariagassaattut assorsuaq pingaaruteqarlutik. Taakkuli kujataanut iluaqutaalluassagunik paarilluartariaqarput orniginnaanngortinneqassallutillu.

 

Kujataani illoqarfiit nunaqarfiillu aamma avatangiiseqarput kulturimut tunngasunik eriagisariaqartunilul. Illoqarfinni nunaqarfinnilu amerlanerni illoqartiterpoq tunngavilerneqarneriniit maannamut piusimasunik. Tassalu illoqarfiit nunaqarfiillu tassaapput kulturikkut avatangiisivut oqaluttuarisaanitsinnik oqaluttuartuusut taamalu allanngutsaaliorneqartariaqarlutik.

   

Anguniakkat:

  • qanganitsat qallunaatsiaat inuillu qimataat isumannaallissallugit saqqumilaartissallugillu, tamatumunngalu ilanngullugu UNESCO-p silarsuarmioqatigiinnut kingornussarsiarititaannut ilanngunneqarnissaat qularnaassallugu.
  • illuutit, illoqarfiit immikkoortui nunamimnertallu avatangiisitigut kulturikkullu pingaarutillit inuussutissarsiornikkut ineriartorfiusinnaasut killilinngikkaluarlugit kommunimiit atuinermut piumasaqaasiortarnikkut qularnaassallugit.
  • suut atorneerussimagaluit allatut atorneqalersinniassallugit taamalu kulturikkut avatangiisit allanngutsaaliussallugit (soorlu Alluitsoq allalu).
  • allanngutsaaliugassanut aningaasat qularnaassallugit.
  • kujataani naatsiiveqartarneq tammatsaalissallugu ineriartortissallugulu. 

                                           

Killiffik iliuusissallu

Nanortalimmi (Umiarsualivitoqaq), Qaqortumi (Tissaluttuliaq), Narsamilu (Kolonihavnen) illoqarfiup qeqqani oqaluttuassartatsinnut tunngasunik eqqissisimatitaasunik eriagisassaqqissunik aamma allanik illoqarpoq. Illulianik eqqissisimatitsisoqassanersoq Nunatta Katersugaasivianit  (eqqissisimatitsinermut ataatsimiititaliamit) aalajangiivigineqartarpoq.  Kommunilli pilersaarusiorneqarnerani illunik eqqissisimatitassaqqissunik peqarnersoq misissorneqartarpoq. Aammattaaq illoqarfiup ilaani illulianik peqarpoq eqqissisimatitaanngitsunik. Kisiannili illuliat immikkut illersorneqarnissaat politikkikkut  kissaatigineqarsinnaavoq. Aammattaaq illuliat illoqarfiullu ilaaniittut kommunip pilersaarusiorneqarnerani kulturikkut kingornussassanut ilanngunneqarnissaannut qulakkeerinnittumik aalajangersagaqarpoq.

Illut eqqissisimatitaasut, eqqissisismatitassatut piujuartinneqartussatullu piukkunneqartut pillugit link-imi allattorsimaffiit     130502_fredede_og_bevaringsvaerdige_huse.pdf (392.7 KB)

 

Kiisalu ullumikkut pukkitsunik portusuunillu illuliornermi ersarissunillu qalipaasiisarneq illuliortaatsimi ilisarnaataalersimavoq. Nunani taakkunani nutaanik illuliortitnerneq illuliortaatsimut pineqartumut tulluuttariaqarlunilu nutaaliarpasissunik illuliorsinnaanissaq periarfissaasariaqarpoq.

 

Aammattaaq nunaqarfinni eriagisassaqqissunik illoqarpoq. Amerlanerit kommunip pilersaarusiorneqarneranut ilanngunneqarnikuullutillu ataasiakkaat eqqissisimatitanngortinneqarnissaat pillugu qinnuteqaasiortoqassaaq. Immikut Alluitsumi / Lichtenau-mi illut ataasiakkaannguit kisimik atorneqalersimaneri pillugit isummertoqarnissaa pisariaqarpoq. Ataatsimulli isigalugu illut pingasut immikkuullarissut eqqissisimatitaalluinnarput. Ukiuni arlaqartuni illut atuinnarsinnaanissaannut periarfissanik, taamatuttaaq nunaqarfiit atatiinnarneqarnissaannut suliniarnermilu kommuni ujartueqatasaasarsimavoq. Tulliissaani pilersaarusiortoqalerpat matumani suliniarneq ingerlaannassaaq.

 

Kujataani silaannaap immikkut ittumik issaasattuunera peqqutaalluni naatsiiveqarfissaqqissuuvoq. Illoqarfiup ineriartortinneqarnerani kulturi piujuartinneqartariaqarlunilu najugaqarfinni allani nutaanik ineriartortitsisoqarnissaanut periarfissaqartinneqartariaqarpoq.

 

Qallunaatsiaat- inuillu nunaqarfii

Qallunaatsiaat Kalaallit Nunaanniikkaangamik ”Kujataaniinnerusarsimaput” (Østerbygden). Taamaammat ukiuni arlaqartuni Kujataani sumiiffiit tallimat Namminersorlutik Oqartussat suleqatigalugit UNESCO-mut nunarsuarmi kingornussassat allattorsimaffiinut ilanngussisoqarnissaa kommunimit  sulissutigineqarsimavoq. Nunarsuarmi kingornussassat allattorsimaffiinut ilanngussinissamut paasissutissat 2011-ip aallartilaarnerani naammassineqarnissaat naatsorsuutigineqarpoq. Nunat  Nunarsuarmi kingornussassat allattorsimaffiinut kommunip pilersaarusiorneqarnerani ilanngunneqarsimagaluarpataluunniit, pilersaarusiornermi naleqqutinngitsumik atorneqannginnissaat kiisalu kultureqarnikkut takornariaqarnikkullu atorluarneqartarnissaat qulakkeerniarneqartassaaq. Tassunga atatillugu nunat pillugit ingerlatsinissamut pilersaarusiortoqassaaq. (Nunap assinga linkimiippoq)

 

Aammattaaq Nanortallup kujataani qallunaatsiaqarfiusimasumik nunarujussuaqarpoq - ”Herjolfsnes”. Nuna pineqartoq aanermik eqqugaanissanut ernumanartoqarlunilu ullumikkut tikikkuminaatsorujussuuvoq. Taamaammat nuna tamanna kommunip pilersaarusiorneqarnerani immikkut illersugassatut taaneqarsimavoq.  Nunallu ineriartortinneqarnissaa siunertaralugu ingerlatsinermut pilersaarusiortoqassaaq.

 

Aammattaaq inuit-najugaqarfigisimasaanni uppernarsaatissarpassuaqarpoq. Nunatta Katersugaasiviani nunap assinginut ilanngunneqarsimasuniittut takuneqarsinnaasullu nunami nutaanik suliaqartoqalerpat ataaqinnittoqassaaq. Kujataani kultureqarnikkut takornariaqarnikkullu siuarsaasoqarnissaa siunertaralugu siunissami Inuit-nunaqarfiinik nittarsaassisoqarnerusariaqarpoq.  


>

Aka Hoegh

 

Hvalsø kirkeruin i Østerbygden i Sydgrønland

Hvalsey