Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaa AnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Sociale forhold


 

Innuttaasut tamarmik imminnut qaniginerpaasaminnullu pitsaasumik inuuneqarnissaminnut periarfissaqassapput. Inuit ilaat ikiorneqanngikkunik taama inuuneqalersinnaanngillat. Ilaqutariit ilaat aningaasakilliortaqaat, allallu imigassamik, peqqarniilliornermik sumiginnagaanermillu ajornartorsiuteqarput. Taamaammat inuit ataasiakkaat aaqqiissuteqarfiginissaat pillugu kommunip innuttaasut oqaloqatigilluartariaqarpai kiisalu paaqqinniffinnik sammisassanillu pissaqartitsisariaqarluni.  

 

 

Anguniakkat:

 

  • Ilaqutariinni avatangiisinilu qaninnerpaani pitsaasumik atugaqarluni peroriartornissaq qularnaarneqassasoq.
  • Meeqqerivissaqartitsinikkut, siunnersuisarnikkut kajumissaataasunillu suliniuteqarnikkut ilaqutariit meerartallit sullinneqarnerat nukittorsarneqassasoq.
  • Sumiginnaaneq (sumiginnaaneq, imigassamik atornerluineq, peqqarniilliorneq) pillugit immikkut iliuuseqassalluni, soorlu illoqarfinni pingasuni tamani ilaqutariinnut sullissiviliornikkullu assigisaatigulluunniit.
  • Utoqqaat innarluutillillu sapinngisamik sivisunerpaamik namminneq angerlarsimaffimminni najugaqartassasut, tamatumanilu avatangiisit (aqquserngit, pisuinnaat aqquserngi atortulersuutilu allat) utoqqaat innarluutillillu isumagalugit ilusilersorneqartassasut
  • Utoqqaat innarluutillillu nammineersinnaanngitsut paarineqarfissaminnik neqeroorfigineqassasut, taamaaqataanillu utoqqaat nammineersinnaanerusut najukkaminni inissanik naleqquttunik pissaqartinneqassasut.
  • Illoqarfinni pingasuni utoqqaat iluini atukkat assigiissarneqassasut angerlarsimaffiillu nutaalianngortinneqassasut

 

Ikiuineq pinaveersaartitsinerlu ilaqutariinnut allanullu)

Kommune Kujalliup ikiuisarneq pinaveersaartitsinerlu aaqqissuussimavai ingerlatsivimmi ataatsimoortussanngorlugit, taannalu Qaqortumi qullersaqarfeqarpoq illoqarfinnilu pingasuni tamani immikkoortortaqarfeqarluni kiisalu nunaqarfiit allaffiini aqqanilinni nunaqarfimmiunut saaffiginittarfeqarluni.

 

Suliffissaaleqisunut, napparsimasunut ajutoorsimasunullu annertussusileriikkamik, pisariaqartitsineq naapertorlugu ikiorsiissutinik ataasiartumillu ikiorsiissutinik  kommunip ikiuisarnermi saniatigut aqqutissiuinermik, katsorsaanermik allatigullu inunnut ataasiakkaanut ikiuinermik neqerooruteqartarpoq.

 

Taamalu Qaqortumi ilaqutariinnut sullissivimmik pilersitsisoqarsimavoq, taannalu meeqqanut inuusuttuaqqanullu aammalu ilaqutaannut ajornartorsiortunut siunnersuisarpoq, aqqutissiuisarluni pikkorissaasarlunilu. Narsami multicenter "Ujuaat" pilersinneqarsimavoq taannattaarlu ikiuisarlunilu pinaveersaartitsinermik suliaqartarpoq, Nanortalimmiipporlu ornittagaq "Pilutaq" kiisalu Alluitsup Paani ornittagaq "Sikkersoq", taakkulu meeqqanut inooqatigiinnikkut ajornartorsiuteqartunik ilaqutalinnut ikiuisarput.

 

Meeqqat angerlarsimaffiat kommunip ingerlataa "Tasiigaa" Narsami pilersinneqarsimavoq.

 

Narsami Qaqortumilu arnanut qimarngueqarpoq pisortanit tapiiffigineqartartunik namminerlu kajumissutsimik arnanut ajornartorsiortunut ikiuuffiusartunik. 

 

Utoqqaat 

Illoqarfinni pingasuni tamani utoqqaat illoqarpoq. Qaqortumi utoqqaat illuat nutaanerpaajuvoq, kisiannili inissat amerlanerusut pisariaqartinneqaqimmata allineqarnissaa pilersaarutigineqarpoq. Narsami Nanortalimmilu utoqqaat illui pisoqasaajupput aammalu inissanik amigaateqarlutik, nutarterneqartariaqarlutik allineqartariaqarlutillu.

 

Aammattaaq illoqarfinni pingasuni qassiinik utoqqarnut inissiaqarpoq utoqqaat illuannut atallutik ingerlanneqartunik imaluunniit utoqqaat angerlarsimaffimmi ikiorteqartineqarlutarlutik.

 

Kiisalu Qaqortumi utoqqaat ornittagaqarput "Ulliffik" (taanna atorunnaartussaavoq) Narsamilu utoqqaat ornittagaqarlutik "Ippikasik. Nanortalimmi utoqqaat illuata kælderiani utoqqaat ornittagaqarput.

 

Nunaqarfinni Alluitsup Paani, Ammassivimmi, Saarlumi, Eqalugaarsunni Qassimiunilu utoqqaat najugaqatigiiffeqarpoq. Qassiarsummi ataasiakkaanik utoqqarnut angerlarsimaffeqarpoq nunaqarfiillu sinnerini utoqqaat angerlarsimaffii sapinngisamik utoqqarnut naleqquttuunissaat kommunip isumaginiarpaa

 

Innarluutillit

Innarluutillit sapinngisamik namminneq angerlarsimaffimminniinnissaat inuiaqatigiinnullu akulerutsinneqarnissaat siunertaavoq. Taamaammat illoqarfinni pingasuni tamani innarluutilinnut naleqqussakkanik inissiaqarpoq innarluutilinnut atortussanngortitaasimasunik ilusilersugaasunillu. Aammattaaq angerlarsimaffimmi nammineersinnaajumalluni iluaqutissanik kommuni ikiuuttarpoq.

 

Illoqarfinni tamani inersimasunut annertuumik innarluutilinnut najugaqarfeqarpoq najugaqatigiiffeqarlunilu, kiisalu Qaqortumi Nanortalimmilu illersugaasumik sulliveqarluni, taamaammallu Qaqortumi timimikkut annertuunik innarluutilinnut marlunnik ataatsimik najugaqarfeqarpoq, tarnimikkut ineriartornikkut kinguarsimasunut ataatsimik najugaqarfeqarluni kiisalu marlunnik najugaqatigiiffeqarluni. Narsami inersimasunut tarnimikkut nappaatilinnut ineriartornikkullu kingusissunut najugaqarfeqarpoq. Nanortalimmi tarnimikkut nappaatilinnut marlunnik najugaqarfeqarpoq ataatsimillu najugaqatigiiffeqarluni.

 

Peqqissuseq napparsimanerlu

Nappatsaaliuineq ilaatigut kommunimit isumagineqartarpoq. Kommunimi pinaveersaartitsinermut siunnersortit, paaqqinnittarfiit, atuarfiit ilaqutariinnullu sullissiviit pinaveersaartitsinermik sammisaqarput taavalu peqqissuseq, pujortarneq, atornerluineq allallu pillugit suliaqartuartuulluktik.

 

Napparsimavimmi katsorsaaneq Namminersorlutik Oqartussat isumagisaraat. Illoqarfinni pingasuni tamani massakkut napparsimaveqarpoq nunaqarfinnilu nakorsiartarfeqarluni. Namminersorlutik Oqartussat peqqissaanikkut allanngortitereqqammermata QAqortumi napparsimavik nunap immikkoortuani napparsimavittut toqqarneqarpoq napparsimaviillu sinneri marluk annikinnerusumik suliaqartitaallutik ingerlanneqassallutik. Aammattaaq kigutilerineq Namminersorlutik Oqartussanit isumagisarineqarpoq. Illoqarfinni pingasuni kigutileriveqarpoq - Qaqortumi Narsamilu atuarfinnut atasunik kiisalu Nanortalimmi napparsimavimmut atasumik.


>