Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaa AnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Erhverv og beskæftigelse


Inuiaqatigiit kalaallit tamakkerlutik inuussutissarsiornikkut nutaamik tulleriaarisussanngorsimapput - pingaartumik Kujataamiut. Aalisarneq piniarnerlu inuussutissarsiornikkut pingaaruteqarallassapput aammalu ineriartoqqinnissaminnut alliartoqqinnissaminnullu periarfissaqarluarlutik. Kommune Kujalliup aalisarneq suli ineriartoqqinnissaminut periarfissaqarluartutut isigaa kiisalu imminut pilersorneruneq aallaavigalugu inuussutissaqarniarnikkut politikkimtu ilaasutut isigalugu.

 

Inuussutissalerineq tassaavoq Kujataata ullumikkut piginnaaneqarluarfigileriigaa. Piginnaanerit taakku ineriartorteqqinneqassapput kiisalu suliareqqiinikkut nutaanillu nassaarsiortarnikkut alliartortitsisoqassalluni

 

Inuussutissarsiutit ineriartorfiusut allat assersuutigalugu pisuussutinik uumaatsulerineq siunissami pingaaruteqartorujussuanngortussatut naatsorsuutigineqarpoq. Pisuussutit uumaatsut kujataani suliffissaqartitsinermut aalajangiisuussaqaat kiisalu suliffiit taakkuninnga sullissiviusut assersuutigalugu assassornermik sullissinermillu suliaqarfiusut amerlaqisut pilersissallugit.

 

Takornariartitsineq, tassa inuussutissarsiut ineriartortoq alla aamma siunissami siuariarfiusussatut naatsorsuutigineqarpoq kiisalu qarasaasialerinermi periarfissarpassuit attaveqaammik kaabilersuaqalerneratigut pilersimasut suli atorneqanngillat.

Kommuneplanen skal tage højde for de nye erhverv når rammerne for den fremtidige udvikling skal fastlægges.

Siunissami ineriartorneq tunngavissalersorneqassappat inuussutissarsiutit nutaat kommunimut pilersaarummi siumut isumaliutigereerneqartariaqarput.

 

Anguniakkat:

 

  • kommunerujussuarmi tamarmi inuussutissarsiornikkut ineriartorneq pitsaasunik atugassaqartitsivigissallugu, tassa piginnaaneqarluartunik sulisussaqartillugu, nunaminertassaqartillugu, attaveqaatinik atortorissaarutinillu allanik pissaqartissallugu, ilinniartitsivissaqartissallugu il.il, qarasaasiatigullu attavissarissaartissallugu.
  • inuussutissarsiutit sullissiviusut salliutissallugit, matumani qarasaasiatigut attaveqaatit salliutissallugit.

  • Inuussutissarsiutit siumukarnermik avatangiisinillu mianerinninnermik kattussiviusut ineriartortissallugitInuussutissarsiutit siumukarnermik avatangiisinillu mianerinninnermik kattussiviusut ineriartortissallugit

  • Kujataata Kalaallit Nunaannut tamarmut nerisassaasivinngortissallugu INUILI-lu qiteralugu Narsaq inuussutissalerinermi qitiusunngortissallugu

  • Narsami tamalaanik neqileriviliortoqassaaq/inuussutissalerinermi sulliviliortoqassaaq.

  • Imminut pilersornerulernissamik kalaallillu tunisassiaanik atuinerulernissamik suliniuteqarnikkut inuussutissalerineq ineriartortinneqassaaq.

  • Piujuaannartitsiviusumik aalisarnerup ineriartornermi tunngavissai tapersersussallugit kiisalu aalisakkanik allanik misileraaneq aallartinneqassaaq.

  • aatsitassarsiornermi aatsitassanillu suliareqqiinermi periarfissat ineriartortissallugit

  • Avatangiisitigut isumannaatsumik aatsitassarsiornikkut uuliasiornikkullu suliffeqarfinnik suliffissanillu nutaanik pilersitsiornermut peqataaassalluni

  • aatsitassarsiornermi/uuliasiornermi piginnaasassatut piumasaqaatinik naammassinnissaasunik piginnaaneqarluartunik sulisussaqarnissaa qularnaassallugu.

  • Kujataani suliffieqarfii aatsitassarsiortunut/uuliasiortunut sullissisunngornissaannut peqataassalluni

  • Kommunimi tamarmi takornariartitsineq ataqatigiissoq nukittorsassallugu

  • Kujataani takornariagassat alutornarluinnartut ataatsimut nittarsaannerisigut takornariartitsineq nukittorsassallugu, assersuutigalugit qallunaatsiaat oqaluttuassartaat, Erik Aappalaartoq, Sermersuaq, Uunartoq il.il.

  • Kujataata nerisassaatai takornariartitsinermut ilanngullugit takornariartitsinermi sasmmisassanik ineriartortitsisoqassasoq

 

  

Killiffik iliuusissatullu pilersaarutit

 

Aatsitassarsiorneq Kujataani aallartilluareersimavoq. Iterlassuarmi kuultisiorfik ingerlalersimavoq massakkullu aatsitassarsiorfiusinnaasut qassiit misissueqqaarfigineqarlutik. Suliat tamakku kommunip avannarpasissuani Isortumiit tunumi Kangerlussuatsiamut siammarsimapput.

 

Kangerluarsuup qinnguani aatsitassaqarfik maanna avatangiisinut inuiaqatigiinnullu sunniutissat eqqarsaatigalugit misissuiffigineqarpoq, ukiunilu aggersuni aamma Kuannersuarnut tunngasut misissuiffigineqassallutik.

 

Aatsitassarsiornermut uuliasiornermullu sammisitanik pikkorissaanermigut ilinniartitseqqinnermigullu Kommune Kujalliup annertuumik piginnaanngorsaaqqinnini nangeqqissavaa.

   

Kommuninut allanut sanilliulluni Kujataa inuussutissalerinikkut siuarsimaneroqaaq. Inissisimanerput taanna ineriartorteqqikkusupparput. Suliniummut imminut pilersornerulernissamik aammalu pisortat sullissiveqarfiini inuinnaallu akornanni kalaallit nerisassaataannik atuinerulernissamik siunertaqarfiusumut kommuni peqataavoq.

 

Immikkut nunaqarfinnut suliniuteqartoqarneratigut tunitsiivit qassiit ammaqqissinnaasimapput nunatsinnullu sammisitanik tunisassiortoqalerismalluni. Suliareqqiinikkut, nutaanik nassaarsiortuarnikkut piginnaanngorsaanikkullu ineriartortitsisoqassaaq kiisalu 2012-imi inersimasunik neqilerisutut ilinniartitat siulliit naammassissapput.

 

Takornariartitsinermi suleriaasissat nutaat ineriartortinneqaleruttorput, taakkulu aqqutigalugit immikkuullarilluinnartunik neqerooruteqartarnikkut Kujataa ornigassanut kajungernartunut ilaaleqqissaaq. Takornariat najukkatsinni nuannersunik misigisaqarnissaat kommunimiit kissaatigineqarpoq kiisalu kujataani takornariagassat pitsaasunik atugassaqarfiunissaat qulakkeeriartulerlugu. Takornarialerinermi siunnersortimik atorfinitsitsinikkut takornarialerisut takornariaqartitseqatigiillu pisortaat suleqatigalugit takornariartitsinikkut suliniutit ataqatigiissaarneqarnissaalu Kujataatalu ataatsimut nittarsaanneqarnissaa qularnaarneqassapput.

 

  

Suliffissaqartitsineq

 

Kommune Kujalliup suliffissaqartitsinikkut pitsaasumik politikkeqarnissi kissaatigaa, tassani kikkut sulisinnaasut suleqataassapput pilersuinissaminnullu tunngavissaqalissallutik. Anguniagaq pingaarneq tassaavoq sivisuumik suliffissaarusimaneq pinngitsoorniassallugu kiisalu suliffeqarfiit qaninnerusoq ungasinnerusorlu eqqarsaatigalugu sulisussanik pisariaqartitaminnik sulisussaqarnissaat qularnaassallugu.

 

Suliffissaqartitsinikkut suliniutit atorlugit sulisussat pisariaqartitat pigineqartullu oqimaaqatigiissinneqarnissaat qularnaarniarneqassaaq. Suliffeqarfiit sulisunik pisariaqartitaminnik pisinnaassapput suliffissaaleqisullu nalinginnaasumik suliffeqalernissaminnut aqqut sivikinnerpaaq atussavaat.

  

Suliassaqarfinni qassiini sulisussanik maanna amigaateqalereersimavugut saniatigullu aamma suliffissaarusimasortaqarluta suliffinnut inuttalerneqarsimanngitsunut naapertuutinngitsunik piginnaaneqartunik. Taamaammat Kommune Kujalliup kissaataa tassaavoq ilinniartitaanikkut pitsaasumik politikkeqassalluni sulisussat piginnaanngorsarneqarnissaannik qularnaariffiusumik.

 

 

Anguniakkat:

  

Kommune Kujalliup kissaatigisai:

    • sivisuumik suliffissaarusimaneq pinngitsoorniassallugu kiisalu suliffeqarfiit qaninnerusoq ungasinnerusorlu eqqarsaatigalugu sulisussanik pisariaqartitaminnik sulisussaqarnissaat qularnaassallugu.
    • at øge samarbejdet med virksomhederne om langtidsplanlægning for beskæftigelsen.
    • suliffissaqartitsineq pillugu ungasinnerusumut pilersaarusiorneq pillugu suliffeqarfiit annerusumik suleqatigineqalissasut.
    • Kommunimi ilinniarfiit pioreersut tapersersussallugit aammalu ilinniartitaanerit nutaat, neqerorutit nutaat kiisalu pikorissarnerit kommunimi ingerlanneqarnissaat kajungernarsassallugu.
    • Ilinniagaqarsimanngitsut 50 tikillugit ukiullit piginnaanngorsaanikkut, soorlu pikkorissaasarnikkut inersimasunillu suliffeqarfimmi ilinniartunngortitsisarnikkut suliniarfigineqarnerat pitsanngorsassallugu.
    • Inuusuttut ilinniartut sapinngisamik amerlanerpaat ilinniakkaminnik naammassinnittarnissaat tapersersussallugu
    • Suliffissaaleqisut qanoq inissisimanermi pilertortumik paasissallugu taamalu sulisinnaassusillit tamarmik sulilersitsinikkut, suliffeqarfimmi ilinniarnikkut, ilinniagaqarnikkut sulinermulluunniit piginnaangorsaqqinnikkut sulileqqinniassammata.
    • Nunaqarfinni imminut pilersortunngornissamut periarfissat tapersersussallugit.

 

 

 

Killiffik iliuusissatullu pilersaarutit:

 

Kommune Kujalleq inuussutissarsiutini ineriartorfiusuni piginnaasat pisariaqartinneqartussat tunniussinnaajumallugit ukiuni kingullerni assorsuaq piginnaangorsaanermik suliaqarsimavoq. Aatsitassarsiorneq uuliasiornerlu eqqarsaatigalugit oqaatsitigut piginnaasat immikkut sammineqarsimaput. Pikkorissarnerit sapinngisamik najugarisaq qimannagu ingerlanniarneqartarput, assersuutigalugu kujataani tamarmi tuluttoornermut pikkorissarnerit qassiit ingerlanneqartarsimallutik.

 

Suliffeqarfiit inoqarfiillu ilinniakkanik qaffassaanermi immikkut pisariaqartissinnaasaat kommunip eqqumaffigilluarniaqigamigit ilinniarfiit, naalakkersuisoqarfik kiisalu najukkami suliffeqarfiit suleqatigalugit ilinniaqqinnernik piginnaasatigut pisariaqartitanik naammassinninniarfiusunik aaqqissuisarpoq soorlu imaani isumannaallisaanermi pikkorissarnernik, asbestilerinermut pikkorissarnernik allanillu.

 

Ukiuni 2011-12 kommuni piginnaasavinnik qulaajaalluni misiligutigalugu suliniummut peqataammat suliffissaaleqisut suliffeqareersullu 50 sinnillit piginnaasaminnik naliliiffigineqarput. Piginnaasavinnik naliliisarneq maanna nalinginnaasumik ingerlalersimavoq naatsorsuutigineqarporlu inuit qassiit suliap taassuma malitsigisaanik ilinniagaqalersimassasut imaluunniit inersimasutut suliffeqarfimmi ilinniartunngorsimassasut.

  

Inersimasunik suliffeqarfimmi ilinniartitsisarnerit sulisut suliffeqarfiup pisariaqartitaanut naapertuuttunik piginnaaneqalersinniarneqarneranni periaasissatut naleqquttutut isigineqarput. 2010-imi inersimasutut ilinniartut Neqimili neqilerisutut ilinniarsimasut allagartartaassapput ilinniartitsinerillu tassunga assingusut allat suliffeqarfinni allani ingerlanneqarnissaat kissaatigineqarpoq.

 

Qaqortoq kujataani ilinniartoqarfiuvoq, kommunilli kissaatigiuarpaa kujatani tamarmi ilinniartitaanerit nukittorsartuarneqassasut ilinniakkallu suli amerlanerusut pilersinneqassasut. Qujanartumillu maanna INUILI-p ATI Narsamut nuussimavaa kiisalu Qaqortumi Piareersarfik qitiusumik højskolenut tunngasunik suliaqarfinngorsimalluni.

 

 

 

 


>

Upernaviarsuk


Kuannersuit