Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaa AnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Undervisning og pasning


Atuartitaaneq paaqqinnittarfeqarnerlu

Inuiaqatigiinni kalaallini ilinniartitaaneq ukiuni makkunani aallunneqaqaaq. Tamatumanilu kommuni pingaarutilimmik inissisimavoq. Meeqqat atuarfii eqqortumik imaqartariaqarput eqqortunillu illutaqartariaqarlutik kiisalu illoqarfinni, nunaqarfinni kiisalu savaateqarfinni atuartitaanissamik neqerooruteqartoqartariaqarluni.

 

Aammattaarli meeqqat suli atualersimanngitsut paarsivissaqartinneqarnissaat atuarfittulli pingaaruteqartigivoq. Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut peqqussutaat pissutigalugu kommunimut tamarmut atuuttumik pilersaarusiortoqarsinnaavoq paaqqinnittarfinni paarineqarnissamik neqerooruteqarfiuinnarani aammali atualertussat ineriartornissaat atualernissaminnullu piareersimalernissaat siunertaralugu sammisaqarfiusunik.

 

Anguniakkat:

  • angerlarsimaffiit suleqatigalugit ineriartortinneqartuartunik atuarfiit illuataqarnissaat, imaqarnissaat ilusilersugaanissaallu qularnaassallugu
  • meeqqat atuarfii atuartitsinermikkut ilinniarfinni ineriartoqqinnissamut patajaatsumik tunngaviussiuissasut
  • ilinniarfiit suleqatigiinerisigut atortorissaarutinillu ataatsimoorussanik pilersitsinikkut ilinniarfeqarfiit akornanni nukiit kattutissallugit.
  • ilaatigut ungasissumiit ilinniartitsisarnermik aallarniinikkut nunaqarfimmiut savaateqarfimmiullu meerartaasa ilinniartitaanikkut periarfissaat ineriartortissallugit.
  • illoqarfinni nunaqarfinnilu tamani perorsaanikkut peroriartuutaasumik sammisaqartitsinerit neqeroorutigissallugit.
  • atuarfinni paaqqinnittarfinnilu sulisut sulinermi ineqarnermilu kajungernartunik atugassaqarnissaat qularnaassallugu kiisalu sulisut piginnaanillit pigiinnarnissaat qularnaassallugu.

 

Paaqqinnittarfeqarnermi killiffik iliuusissallu:

Illoqarfinni pingasuni meeraaqqeriveqarpoq, meeqqeriveqarluni kiisalu Qaqortumi akuleriinnut paaqqinnittarfeqarluni. Nunaqarfinni Alluitsup Paa Narsarsuarlu kisimik paaqqinnittarfeqarput. Paaqqinnittarfiit taama aaqqissugaasimanerat allanngortilersaarneqanngilaq.

 

Nalilersorneqartuartariaqarporli illoqarfiit ineriartornerat pissutigalugu noorartoqarneratigut paaqqinnik nutaanik pisariaqartitsisoqalissanersoq imaluunniit innuttaasut katitigaanerisa allanngornerat pissutigalugu atorunnaarsitsinissamut tunngavissaqalissanersoq. Taamaammallu Qaqortumi illoqarfiup alliartorfigisaani: A11-imi (Qummut) kiisalu A5-imi (Alleriissanngivit) siunissami paaqqinnittarfiliorfiusinnaasunik immikkoortitsisoqarsimasoq pisariaqartitsisoqalissappat sanaffiginneqarsinnaasunik.

Link: Aktuel status (daginstitutionspladser)

 

Atuarfeqarnikkut killiffik iliuusissatullu pilersaarutit:

Illoqarfiit pingasut 1. klassimiit 10. klassimut atuarfiusartunik atuarfeqarput. Taakku nungullarsimaqaat nutarterinerlu aallartissimalluni. Atuarfiit atuartitsissutini aalajangersimasuni atuartitsiviusartunik pitsaasunik amigaateqarput, imarisaallu eqqarsaatigalugit ilinniartitsisut ilinniarsimasut pissarsiariniarnissaat sivisuumik ajornartorsiutaasimalluni. Illoqarfiit atuarfii pingasut pilersaarusiorfiup ukiuini siullerni sisamani nutarterneqarsimanissaat nalitsinnullu naleqquttunngorsimanissaat naatsorsuutigineqarpoq. Piffissami pilersaarusiorfiusumi atuarfiit taakku pingasut pisariaqartitsinermik naammassinnissinnaanissaat naatsorsuutigineqarpoq.

 

 

2011-imi nunaqarfiit aqqaniliusut tamarmik atuarfeqarput. Nunaqarfiit atuarfii arlallit aamma aserfallassimapput nutartertariaqalersimallutillu, sulilu aamma atuartut ikittuinnanngorsimasarput ilinniartitsisullu ilinniarsimasut amigaatigineqarlutik, taamalu pitsaasumik ilinniartitsinissaq ajornakusoortarluni. Nunaqarfiit atuarfiini amerlanerni atuartut 5-20 akornanni amerlassuseqartarput. Igalikumi Qassimiunilu atuartut 2010-imit tallimanit ikinnerupput. Taavalu 2010-imi savaatillit meerartaat 17-it angajoqqaaminnit atuartinneqartarput. Kommune Kujalleq atuarfeqarneq pillugu pilersaarusiussaaq tassanilu siunissami atuartitsinerup ilusissaa atuartunillu qaffasinnerusumik ilinniagaqarnissamik siunnersuisarnissaa isummerfigineqassaaq, aamma nunaqarfinni atuarfiit ingerlaannarnissaat ilanngullugu. 

Link: Aktuel status (elevtal fra Skoleforvalltingen)

 

Meeqqat atuarfiisa saniatigut Kommune Kujallermi aamma assigiinngitsunik ilinniarfeqarpoq. Qaqortoq qitiusumik ilinniarfeqarfiuvoq - ilinniarnertuunngorniarfeqarpoq, niuernermi ilinniarfeqarluni Piareersarfeqarlunilu. Tamarmik kuup kujataani illoqarfiup qeqqaniipput, tassanissaarlu aamma ilinniartut ineqarfii amerlanerit inissisimallutik. Illoqarfiup ilaa ilinniarfeqarfiusoq taanna suli ineriartortittuarumallugu ilinniarfiit ataatsimoorfissaannut nunaminertamik immikkoortitsisoqarsimavoq, taannalu ilinniarfiit ataatsimut atugassaanut atorneqarsinnaavoq kiisalu ilinniarfit akornanni ilinniartitsissutitigut ataatsimoorfigineqarsinnaalluni.

 

Narsami ipput inuussutissalerinermut ilinniarfik INUILI, ilinniartut ineqarfiinik amerlasuunik avatangerneqarsimasoq. Aammattaaq aalajangerneqarsimavoq ATI tassunga nuunneqassasoq. Illoqarfiup ilaa tamanna ilinniarfiliornissamut ilinniartunullu angerlarsimaffiliornissamut suli inissaqarpoq. Aamma Narsami Piareersarfeqarpoq.

   

Nanortalimmi Piareersarfik meeqqat atuarfianniit anisimasunut atuartitaanikkut neqeroorutissatuaavoq.

 

 

 


>

GU Qaqortoq