Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaaAnguniakkatIlloqarfiit Nunaqarfiillu Asimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Rekreative anlæg


Sumiiffiit sukisaarsaarfissiat (Sumiiffiit L)

Sumiiffiit sukisaarsaarfissiat tassaapput sunngiffimmi sammisanut atortussanik sanaartorfissiat.

Tassaasinnaapput timersortarfiit, takornarianut illuaqqat attarmoortut, atuartut aallaarsimaartarfii, akunnittarfiit, pisuttuarfiit kiisalu timersornikkut sunngiffimmiluunniit allatigut sammisaqarfiit

Sumiiffiit sukisaarsaarfissiatut annermik atugassiaanerinut akornutaanngitsumik inuussutissarsiorfinnik allanik pilersitsisoqarsinnaavoq.

Illuaqqanut aasarsiortarfinnullu namminerisamik atugassanut kiisalu piniariartarfinnut oqqiffissanullu nunaminertanik killilimmik immikkoorsitsisoqarsinnaavoq.

Illuaqqanut aasarsiortarfinnullu atasunik annikinnerusunik sanaartortoqarsinnaavoq, soorlu ikaanik, pujoorivinnik, naatsiivinnik assigisaannillu.

Taamaammat sumiiffiit sukisaarsaarfissiat illuaraliorfissianiit aasarsiorfissianiilul annerutsiartumik sanaartorfigineqarnissaminnut nunaminertamillu atuiffigineqarnissaminnut ammapput.

Soorlu aqquserniortoqarsinnaavoq, pilersuinermut teknikkikkut atortorissaarusiortoqarsinnaalluni akulikinnerusunillu sanaartortoqarsinnaalluni "illoqarfippalaartunngortitsisumik".

 

Sanaartukkat

Illuaqqat nalinginnaasumik saniliminnut sanaartukkamulluunniit allamut minnerpaamik 30 meterinik ungasissuseqartassapput. Ilaannikkuinnaq ungasissusissaat 10 meterinut appartinneqarsinnaavoq. Sanaartukkat atortorissaaruteqarfiilluunniit tamarmik avatangiisiminnut takussunarsaataaqqunagit aserfallatsaalineqartuaannassapput.

 

Angallannermut pilersuinermullu atortut

Sumiiffiit sukisaarsaarfissiat talittarfilerneqarsinnaapput.

Atortorissaaruteqarfinnut sanaartukkanullu sukisaarfissianut atasunut aqquserniortoqarsinnaavoq, biilinut aqqusiortoqarsinnaalluni  pisuinnarnullu aqqusineeraliortoqarsinnaalluni. Sumiiffiit aggornerini ataasiakkaani pilersuinermut atugassanik teknikkikkut atortorissaarusiortoqarsinnaavoq soorlu sarfamut imermut kuuffinnullu aqqusiortoqarsinnaalluni.

Annerusunik imeqarfiliornerit eqqakkanullu kuuffiliornerit kiisalu annerusunik sarfaliorfiliornerit Naalakkersuisunit akuerineqarnikkut aatsaat pisinnaapput.

Taakkununnga atasunik teknikkikkut pilersuiviliortoqarsinnaavoq, soorlu sarfaliutit seqinermullu sarfaliutit nukissiutilluunniit allat, illuaqqanut ataasiakkaanut atasut sananeqarsinnaallutik. Atortorissaarutit assigiingitsut sumiiffiup tamatuma sukisaarsaarnermut atorneqarneranut attuumassuteqanngitsut nipiliornermikkut, pujuliornermikkut, tipiliornermikkut, sajutsitsinermikkulluunniit sanilerisanut akornutaasinnaasut sananeqassanngillat.


>