Kommune Kujalleq - Kommuneplan 2011-2022
Postboks 514  3920 Qaqortoq  Grønland  Telefon: +299 704 100  www.kujalleq.gl  arealadm@kujalleq.gl
Takorluukkat aaqqissuussaanerullu ilusissaaAnguniakkatIlloqarfiit Nunaqarfiillu Asimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Illuaraliat aasarsiortarfiillu sumiissusiat


Illuaqqanut, aasarsiortarfinnut allanullu atugassiat (Sumiiffiit K)

Nunaminertat illuaqqanut aasarsiortarfinnullu immikkoortitat taakkununnga atugassiaanertik ilisarnaatigisarpaat ukiorlu naallugu najugaqarfigineqartussaanatik. Nunaminertat ilaat killimmik takornarianut illuaqqanik, piniariartarfinnik kiisalu oqqiffissanik sanasoqarsinnaavoq, kisiannili sumiiffiit tamakku illuaqqanut, aasarsiortarfinnut allanullu annermik atugassiaanerinik allanngortitsisumik amerlassuseqalissanngillat.

Illuaraqarfinni aasarsiortarfeqarfinnilu illuaqqat attarmuussanngillat, "illoqarfiliortoqassanngilaq". Taamaammat nunaminertani illuaqqanut ataasiakkaanut atasuni suliat tamarmik illuaraqarnermut attuumassuteqassapput. Inuussutissarsiornermut atortussanik sanasoqarsinnaavoq, soorlu panersiivinnik, pujoorivinnik, naatsiivinnik assigisaannillu. Atortut tamakku illuaqqamut qanittumiissapput. Nunaqarfiusimasuni illuaraqarfittut aasarsiortarfittullu atukkani malittarisassat ilaat sanioqqunneqarsinnaapput immikkoortuni tulliuttuni nassuiarneqartussamik 

 

Sanaartukkat

Illuaqqat nalinginnaasumik illuaqqamut tullermut minnerpaamik 60 meterinik ungasissuseqartassapput.

Illuaqqat aasarsiortarfiillu annerpaamik aappaat affaq tikillugu quleriinnik initaqassapput, tassa qaliaqarsinnaapput. Tunngavii annerpaamik 40 centimeteriunermikkut illup portussusianik killiliissapput. Illuaqqat takussunarsaataaqqunagit aserfallatsaalineqartuassapput.

  

Angallannermut pilersuinermullu atortut

Illuaqqanut aasarsiortarfinnullu atasunik aqqusineeraliortoqarsinnaavoq talittarfiliortoqarsinnaallunilu, allanilli soorlu kuuffinnik, innaallagissamut imermullu aqqutinik pilersitsisoqassanngilaq.

Teknikkikkut atortorissaarutit illuaqqanut ataasiakkaaginnarnut atugassiaassapput. Soorlu generatorinik seqinermulluunniit sarfaliutinik sarfaliutinilluunniit allanik pilersitsisoqarsinnaavoq.

Atortut tamakku nipiliornermikkut, pujuliornermikkut, pujuliornermikkut, sajutsitsinermikkut allatigulluunniit sanilerisanut akornutaasussaajunnaarlutik mikisuinnaassapput.


>